ಆಕರ್ಷ್‌ ನಿರ್ದೇಶನದ ‘ಫ್ಯಾಮಿಲಿ ಡ್ರಾಮ’ ಸಿನಿಮಾದ ಟೈಟಲ್‌ ಟ್ರ್ಯಾಕ್‌ ವೀಡಿಯೋ ಸಾಂಗ್‌ ಬಿಡುಗಡೆಯಾಗಿದೆ. ಅಭಯ್, ಅನನ್ಯಾ ಅಮರ್‌, ಸಿಂಧು ಶ್ರೀನಿವಾಸಮೂರ್ತಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಚಿತ್ರವಿದು. ಶರತ್‌ ವಸಿಷ್ಠ ಮತ್ತು ಚೇತನ್‌ ಅಮ್ಮಯ್ಯ ರಚನೆಯ ಹಾಡಿಗೆ ಚೇತನ್‌ ಅಮ್ಮಯ್ಯ ಸಂಗೀತ ಸಂಯೋಜನೆ ಇದೆ. ಈ ಪಾರ್ಟಿ ಸಾಂಗ್‌ಗೆ ವಾಸುಕಿ ವೈಭವ್‌ ದನಿಯಾಗಿದ್ದಾರೆ.
ಅಭಯ್ – ಅನನ್ಯಾ ಅಮರ್‌ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ‘ಫ್ಯಾಮಿಲಿ ಡ್ರಾಮ’ ಸಿನಿಮಾದ ಟೈಟಲ್‌ ಟ್ರ್ಯಾಕ್‌ ರಿಲೀಸ್‌ ಆಗಿದೆ. ಈ ಹಾಡಿನಲ್ಲಿ ಪಾರ್ಟಿ ನಡೆಯುತ್ತಿದ್ದು ನಟ-ನಟಿಯರಾದ ಅಭಯ್, ಅನನ್ಯಾ, ಸಿಂಧು ಮತ್ತು ಗ್ಯಾಂಗ್‌ ಯಾರದ್ದೋ ಕೊಲೆಗೆ ಸ್ಕೆಚ್ ಹಾಕಿದ್ದಾರೆ. ಆದರೆ ಹಾಡಿನ ಕೊನೆಯಲ್ಲಿ ಅವರ ಸ್ಕೆಚ್ ಫ್ಲಾಪ್ ಆಗಿರುವ ಹಾಗೆ ಅನ್ನಿಸುತ್ತದೆ. ಸಿನಿಮಾದ ಚಿತ್ರಕಥೆ ಈ ಪ್ಲಾಟ್‌ ಮೇಲೆ ರಚಿತವಾಗಿದ್ದಂತಿದ್ದು, ಹಾಡು ಸಿನಿಮಾ ಕುರಿತಾದ ನಿರೀಕ್ಷೆ ಹೆಚ್ಚಿಸುತ್ತದೆ. ಶರತ್‌ ವಸಿಷ್ಠ ಮತ್ತು ಚೇತನ್‌ ಅಮ್ಮಯ್ಯ ರಚನೆಯ ಹಾಡಿಗೆ ಚೇತನ್‌ ಅಮ್ಮಯ್ಯ ಸಂಗೀತ ಸಂಯೋಜನೆ ಇದೆ. ಈ ಪಾರ್ಟಿ ಸಾಂಗ್‌ಗೆ ವಾಸುಕಿ ವೈಭವ್‌ ದನಿಯಾಗಿದ್ದಾರೆ. ಇತ್ತೀಚೆಗಷ್ಟೇ ಟ್ರೇಲರ್‌ ರಿಲೀಸ್‌ ಮಾಡಿದ್ದ ಚಿತ್ರತಂಡ ಈಗ ಸಾಂಗ್‌ ಮೂಲಕ ಪ್ರೊಮೋಷನ್‌ಗೆ ಚಾಲನೆ ನೀಡಿದೆ.
ಆಕರ್ಷ್‌ ನಿರ್ದೇಶನದ ಸಿನಿಮಾದ ಇತರೆ ಪ್ರಮುಖ ಪಾತ್ರಗಳಲ್ಲಿ ರೇಖಾ, ಪೂರ್ಣಚಂದ್ರ ಮೈಸೂರು ನಟಿಸಿದ್ದಾರೆ. ಡಬ್ಬುಗುಡಿ ಮುರಳಿಕೃಷ್ಣ ತಮ್ಮ DMK ಎಂಟರ್‌ಟೇನ್‌ಮೆಂಟ್‌ ಬ್ಯಾನರ್‌ನಡಿ ನಿರ್ಮಿಸುತ್ತಿರುವ ಚಿತ್ರವಿದು. ಅಮೆರಿಕದಲ್ಲಿರುವ ನಿರ್ಮಾಪಕರಿಗೆ ಸಿನಿಮಾ ಬಗ್ಗೆ ತುಂಬಾ ಪ್ಯಾಷನ್‌ ಇದೆ. ‘ಫ್ಯಾಮಿಲಿ ಡ್ರಾಮ’ ಸಿನಿಮಾದ ಜೊತೆಗೆ ತೆಲುಗಿನಲ್ಲಿ ಮೂರು ಸಿನಿಮಾಗಳ ಕೆಲಸಗಳಲ್ಲಿ ತೊಡಗಿಕೊಂಡಿದ್ದಾರೆ. ಹೊಸ ಪ್ರತಿಭೆಗಳಿಗೆ ಅವಕಾಶ ಕಲ್ಪಿಸಿಕೊಡಬೇಕೆನ್ನುವ ಉಮೇದು ಅವರದು. ‘ಇದು ಉತ್ತಮ ಕಂಟೆಂಟ್ ಜೊತೆಗೆ ಟೆಕ್ನಿಕಲ್ ಆಗಿಯೂ ಒಳ್ಳೆಯ ಸಿನಿಮಾ ಆಗಲಿದೆ. ಮುಗ್ಧ ಕುಟುಂಬವೊಂದು ಕೊಲೆ ಮಾಡಿ ಸಂಕಷ್ಚಕ್ಕೆ ಸಿಲುಕುವ ಕತೆ. ಸದ್ಯದಲ್ಲೇ ಚಿತ್ರಮಂದಿರಕ್ಕೆ ಬರಲಿದ್ದೇವೆ’ ಎನ್ನುತ್ತಾರೆ ‘ಫ್ಯಾಮಿಲಿ ಡ್ರಾಮಾ’ ನಿರ್ದೇಶಕ ಆಕರ್ಷ್‌.
