ದಿನಕರ್‌ ತೂಗುದೀಪ ನಿರ್ದೇಶನದಲ್ಲಿ ವಿರಾಟ್ ನಟಿಸುತ್ತಿರುವ ‘ರಾಯಲ್’ ಸಿನಿಮಾದ ‘ನಾನೇ ಕೃಷ್ಣ… ನಾನೇ ಶಾಮ್‌’ ಹಾಡು ರಿಲೀಸ್‌ ಆಗಿದೆ. ವಿ ನಾಗೇಂದ್ರ ಪ್ರಸಾದ್‌ ರಚನೆಯ ಈ ಹಾಡಿಗೆ ಚರಣ್‌ ರಾಜ್‌ ಎಂ ಆರ್‌ ಸಂಗೀತ ಸಂಯೋಜಿಸಿದ್ದು, ಸಂಜಿತ್‌ ಹೆಗ್ಡೆ ಮತ್ತು ಎಂ ಎಂ ಮನವಿ ಹಾಡಿದ್ದಾರೆ.
‘ಜೊತೆ ಜೊತೆಯಲಿ’, ‘ನವಗ್ರಹ’, ‘ಸಾರಥಿ’ ಹಿಟ್‌ ಸಿನಿಮಾಗಳ ನಿರ್ದೇಶಕ ದಿನಕರ್‌ ತೂಗುದೀಪ ‘ರಾಯಲ್’ ಚಿತ್ರದೊಂದಿಗೆ ನಿರ್ದೇಶನಕ್ಕೆ ಮರಳುತ್ತಿದ್ದಾರೆ. ‘ಕಿಸ್’ ಸಿನಿಮಾ ಮೂಲಕ ಬೆಳ್ಳಿತೆರೆಗೆ ಪರಿಚಯವಾದ ವಿರಾಟ್ ಈ ಚಿತ್ರದ ಹೀರೋ. ಚಿತ್ರದ ‘ನಾನೇ ಕೃಷ್ಣ… ನಾನೇ ಶಾಮ್‌’ ಹಾಡು ರಿಲೀಸ್‌ ಆಗಿದೆ. ವಿ ನಾಗೇಂದ್ರ ಪ್ರಸಾದ್‌ ರಚನೆಯ ಈ ಹಾಡಿಗೆ ಚರಣ್‌ ರಾಜ್‌ ಎಂ ಆರ್‌ ಸಂಗೀತ ಸಂಯೋಜಿಸಿದ್ದು, ಸಂಜಿತ್‌ ಹೆಗ್ಡೆ ಮತ್ತು ಎಂ ಎಂ ಮನವಿ ಹಾಡಿದ್ದಾರೆ. ‘ಕಿಸ್’ ಸಿನಿಮಾದಲ್ಲಿ ವಿರಾಟ್ ಲವರ್ ಬಾಯ್ ಆಗಿ ಕಾಣಿಸಿಕೊಂಡಿದ್ದರು. ‘ರಾಯಲ್’ ಚಿತ್ರದಲ್ಲಿ ಅವರಿಗೆ ಮಾಸ್, ಎನರ್ಜಿಟಿಕ್ ಹೀರೋ ಇಮೇಜು ಇರಲಿದೆ. ಜಯಣ್ಣ ಫಿಲಂಸ್‌ ಬ್ಯಾನರ್‌ನಡಿ ಜಯಣ್ಣ ಹಾಗೂ ಭೋಗೇಂದ್ರ ನಿರ್ಮಿಸುತ್ತಿರುವ ಚಿತ್ರದ ಹಾಡು ಸರಿಗಮ ಕನ್ನಡ ಮ್ಯೂಸಿಕ್ ಯೂಟ್ಯೂಬ್‌ನಲ್ಲಿ ರಿಲೀಸ್‌ ಆಗಿದೆ. ಸಂಜನಾ ಆನಂದ್ ಚಿತ್ರದ ನಾಯಕಿ. ರಘು ಮುಖರ್ಜಿ, ಛಾಯಾ ಸಿಂಗ್, ಅಚ್ಯುತ್ ಕುಮಾರ್, ರಂಗಾಯಣ ರಘು, ಪ್ರಮೋದ್ ಶೆಟ್ಟಿ ಇತರೆ ಪ್ರಮುಖ ಪಾತ್ರಧಾರಿಗಳು. ಸಂಕೇತ್ ಮೈಸ್ ಛಾಯಾಗ್ರಹಣ ಚಿತ್ರಕ್ಕಿದೆ.
