Instagramನಲ್ಲಿ ಸದ್ಯ ‘ಕರಿಮಣಿ ಮಾಲೀಕ ನೀನಲ್ಲ’ ಮತ್ತು ‘ರಾಹುಲ್ಲಾ’ ಕನ್ನಡ reelsಗಳು ಟ್ರೆಂಡಿಂಗ್‌ನಲ್ಲಿವೆ. vickypediaದ ವಿಕ್ಕಿ ಮತ್ತು ಅವರ ಸ್ನೇಹಿತರು ಈ ಎರಡೂ reelಗಳನ್ನು ಮಿಕ್ಸ್‌ ಮಾಡಿ ಹೊಸ ಟ್ವಿಸ್ಟ್‌ ಕೊಟ್ಟಿದ್ದಾರೆ! ಎರಡು ರೀಲ್‌ಗಳನ್ನು ಬೆರೆಸಿರುವ ಈ ಮಜವಾದ reel ಸದ್ಯ ಟ್ರೆಂಡಿಂಗ್‌ನಲ್ಲಿದೆ.
ಇತ್ತೀಚೆಗೆ ‘ನಾನು ನಂದಿನಿ’ ಸಾಂಗ್‌ ಮೂಲಕ vickypediaದ ವಿಕ್ಕಿ, ಅಮಿತ್‌ ಮತ್ತು ಸಚಿನ್‌ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ಫೇಮಸ್‌ ಆಗಿದ್ದರು. ಈ ಸಾಂಗ್‌ ಅನ್ನು ಜನರು ಬೇರೆ ಬೇರೆ ವರ್ಷನ್‌ಗಳು ಮತ್ತು ಸಂದರ್ಭಗಳಿಗೆ ಹೊಂದಿಸಿಕೊಂಡು reel ಮಾಡಿ ಖುಷಿಪಟ್ಟಿದ್ದರು. ಇದೀಗ ವಿಕ್ಕಿ & ಟೀಮ್‌ ಮತ್ತೊಂದು ಮಜವಾದ reel ಜೊತೆ ಸುದ್ದಿಯಾಗಿದ್ದಾರೆ. ಸದ್ಯ ಟ್ರೆಂಡಿಂಗ್‌ನಲ್ಲಿರುವ ‘ಕರಿಮಣಿ ಮಾಲೀಕ ನೀನಲ್ಲ’ ಮತ್ತು ‘ರಾಹುಲ್ಲಾ’ ಕನ್ನಡ reelsಗಳನ್ನು ಬೆರೆಸಿ ಹೊಸದೊಂದು reel ಸೃಷ್ಟಿಸಿದ್ದಾರೆ. ಈ ಟೀಮ್‌ನ ಕ್ರಿಯೇಟೀವ್‌ ರೀಲ್‌ಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ಕರಿಮಣಿ ಮಾಲೀಕ ನೀನಲ್ಲ | ಉಪೇಂದ್ರ ನಟಿಸಿ, ನಿರ್ದೇಶಿಸಿದ್ದ ‘ಉಪೇಂದ್ರ’ ಚಿತ್ರದ ಹಾಡಿನ ಪಲ್ಲವಿ ಇದು. ಉಪೇಂದ್ರ ರಚನೆಯ ಗೀತೆಗೆ ಸಂಗೀತ ಸಂಯೋಜಿಸಿರುವುದು ಗುರುಕಿರಣ್‌. ಆಕಸ್ಮಾತಾಗಿ ಇತ್ತೀಚೆಗೆ ಪ್ರಸ್ತಾಪವಾದ ಈ ಪಲ್ಲವಿ ಸಖತ್‌ ಟ್ರೆಂಡಿಂಗ್‌ನಲ್ಲಿತ್ತು. ನೆಟ್ಟಿಗರು ಹಲವು ಸಂದರ್ಭಗಳಿಗೆ ಈ ಹಾಡನ್ನು ಹೊಂದಿಸಿ ರೀಲ್‌ ಮಾಡಿದರು. ಈ ಪಲ್ಲವಿ ಕಾಲರ್‌ ಟೋನ್‌ ಕೂಡ ಆಗಿಹೋಯ್ತು! ಸಂಗೀತ ನಿರ್ದೇಶಕ ಗುರುಕಿರಣ್‌ ಅವರು ಕೂಡ ಈ ಪಲ್ಲವಿಯನ್ನು ಮತ್ತೆ ಹಾಡಿ ಸುದ್ದಿಯಾಗಿದ್ದರು. ಇನ್ನು ಇತ್ತೀಚಿನ ಮತ್ತೊಂದು ಟ್ರೆಂಡಿಂಗ್‌ ಲೈನ್‌ ಎಂದರೆ ‘ರಾಹುಲ್ಲಾ’. ಬೆಳ್ಳುಳ್ಳಿ ಕಬಾಬ್‌ ಖ್ಯಾತಿಯ ಹೋಟೆಲ್‌ ಮಾಲೀಕ ಚಂದ್ರು ಅವರು ಟ್ರೆಂಡ್‌ ಮಾಡಿದ ಸಾಲುಗಳಿವು. ಈಗ ವಿಕ್ಕಿ ಮತ್ತು ಟೀಮ್‌ ಎರಡನ್ನೂ ಬೆರೆಸಿ reel ಮಾಡಿ ಸುದ್ದಿಯಲ್ಲಿದೆ.
