ಸಮೀರ್ ನಿರ್ಮಾಣ, ನಿರ್ದೇಶನದಲ್ಲಿ ಅರ್ಜುನ್ ಸರ್ಜಾ ಮುಖ್ಯ ಪಾತ್ರದಲ್ಲಿ ನಟಿಸಿರುವ ‘ಒಪ್ಪಂದ’ ಸಿನಿಮಾದ ಆಡಿಯೋ ಬಿಡುಗಡೆಯಾಗಿದೆ. ನಾಲ್ಕು ಭಾಷೆಗಳಲ್ಲಿ ತಯಾರಾಗಿರುವ ಸಿನಿಮಾದ ನಾಯಕನಟಿಯಾಗಿ ರಾಧಿಕಾ ಅಭಿನಯಿಸಿದ್ದಾರೆ.

ಬಹುಭಾಷಾ ನಟರಾದ ಅರ್ಜುನ್ ಸರ್ಜಾ, ಜೆ.ಡಿ.ಚಕ್ರವರ್ತಿ, ರಾಧಿಕಾ ಕುಮಾರಸ್ವಾಮಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ‘ಒಪ್ಪಂದ’ ಸಿನಿಮಾದ ಆಡಿಯೋ ಬಿಡುಗಡೆಯಾಗಿದೆ. ಕನ್ನಡ ಸೇರಿದಂತೆ ನಾಲ್ಕು ಭಾಷೆಗಳಲ್ಲಿ ಸಿನಿಮಾ ತಯಾರಾಗಿದ್ದು, ಸದ್ಯದಲ್ಲೇ ಚಿತ್ರ ಥಿಯೇಟರ್‌ಗೆ ಬರಲಿದೆ. ಸಮೀರ್ ನಿರ್ಮಿಸಿ, ನಿರ್ದೇಶಿಸಿರುವ ಚಿತ್ರದ ಆಡಿಯೋ ಬಿಡುಗಡೆ ಸಮಾರಂಭದಲ್ಲಿ ಪ್ರಮುಖ ಕಲಾವಿದರು ಹಾಜರಿರಲಿಲ್ಲ. ನಟ ಅರ್ಜುನ್ ಸರ್ಜಾ ವೀಡಿಯೋ ಸಂದೇಶ ಕಳುಹಿಸಿ ಚಿತ್ರತಂಡಕ್ಕೆ ಶುಭಕೋರಿದರು. ಹಿರಿಯ ಚಿತ್ರನಿರ್ಮಾಪಕರಾದ ರೆಹಮಾನ್‌, ಕೆ.ಮಂಜು ಅತಿಥಿಗಳಾಗಿ ಕಾರ್ಯಕ್ರಮದಲ್ಲಿದ್ದರು.

ನಿರ್ದೇಶಕ ಸಮೀರ್ ಮಾತನಾಡಿ, “ಈ ಚಿತ್ರ ಉತ್ತಮವಾಗಿ ಮೂಡಿಬರಲು ಅರ್ಜುನ್ ಸರ್ಜಾ, ಜೆ ಡಿ ಚಕ್ರವರ್ತಿ ಹಾಗೂ ರಾಧಿಕಾ ಕುಮಾರಸ್ವಾಮಿ ಅವರ ಸಹಕಾರ ಬಹಳ ಮುಖ್ಯ. ಎಲ್ಲರೂ ಚಿತ್ರದಲ್ಲಿನ ತಮ್ಮ ಪಾತ್ರಗಳಿಗೆ ಜೀವ ತುಂಬಿದ್ದಾರೆ. ನಾಲ್ಕು ಭಾಷೆಗಳಲ್ಲಿ ಸಿನಿಮಾ ತಯಾರಾಗಿದ್ದು, ಇದೇ ತಿಂಗಳಲ್ಲಿ ಬಿಡುಗಡೆ ಮಾಡಲಿದ್ದೇವೆ” ಎಂದರು. “ನನ್ನ ಪಾತ್ರ ತುಂಬಾ ಚೆನ್ನಾಗಿದೆ. ಅರ್ಜುನ್ ಸರ್ಜಾ, ಜೆ.ಡಿ.ಚಕ್ರವರ್ತಿ ಹಾಗೂ ರಾಧಿಕಾ ಕುಮಾರಸ್ವಾಮಿ ಅವರಂತಹ ಉತ್ತಮ ಕಲಾವಿದರೊಂದಿಗೆ ನಟಿಸಲು ಅವಕಾಶ ನೀಡಿದ ನಿರ್ದೇಶಕರಿಗೆ ಧನ್ಯವಾದ” ಎಂದು ಕೃತಜ್ಞತೆ ಅರ್ಪಿಸಿದರು ನಟಿ ಸೋನಿ ಚರಿಶ್ಟಾ. ಸುಭಾಷ್ ಆನಂದ್ ಸಂಗೀತ ಸಂಯೋಜನೆ, ಅಮೀರ್ ಲಾಲ್ ಛಾಯಾಗ್ರಹಣ, ರಾಘು ಕುಲಕರ್ಣಿ ಕಲಾ ನಿರ್ದೇಶನ, ಅಮ್ಮ ರಾಜಶೇಖರ್ ನೃತ್ಯ ನಿರ್ದೇಶನ, ಖಾಲಿ ಕಿಕಾಸ್ ಸಾಹಸ ನಿರ್ದೇಶನ, ಪ್ರಭು ಸಂಕಲನ ಚಿತ್ರಕ್ಕಿದೆ.

Previous articleಬೇರ್ ಗ್ರಿಲ್ಸ್‌ ಜೊತೆ ನಟ ವಿಕ್ಕಿ ಕೌಶಲ್; ‘ಇನ್ ಟು ದಿ ವೈಲ್ಡ್ ‘ ನವೆಂಬರ್‌ 12ರಂದು
Next articleಟಾಲಿವುಡ್‌ಗೆ ದುನಿಯಾ ವಿಜಯ್; ಬಾಲಕೃಷ್ಣ ಸಿನಿಮಾದ ಖಳನಾಗಿ ‘ಸಲಗ’

LEAVE A REPLY

Connect with



Please enter your comment!
Please enter your name here