‘ಶಾಕ್’, ‘ಮಿರಪಕೆ’ ತೆಲುಗು ಚಿತ್ರಗಳ ನಂತರ ನಿರ್ದೇಶಕ ಹರೀಶ್ ಶಂಕರ್ ಮತ್ತು ನಟ ರವಿತೇಜ ಮತ್ತೊಮ್ಮೆ ಜೊತೆಯಾಗುತ್ತಿದ್ದಾರೆ. People Media Factory ಬ್ಯಾನರ್‌ ಅಡಿಯಲ್ಲಿ ಟಿಜಿ ವಿಶ್ವ ಪ್ರಸಾದ್ ಮತ್ತು ವಿವೇಕ್ ಕೂಚಿಭೋಟ್ಲಾ ಈ ಸಿನಿಮಾ ನಿರ್ಮಿಸುತ್ತಿದ್ದಾರೆ.
ರವಿತೇಜ ಅವರು ನಿರ್ದೇಶಕ ಹರೀಶ್ ಶಂಕರ್ ಅವರೊಂದಿಗೆ ಹೊಸ ತೆಲುಗು ಚಿತ್ರಕ್ಕೆ ಕೈಜೋಡಿಸಿದ್ದಾರೆ. ಈ ಚಿತ್ರವು ಇವರಿಬ್ಬರ ಮೂರನೇ ಸಹಯೋಗವಾಗಿದೆ. ಈ ಹಿಂದೆ ಇವರು ‘ಶಾಕ್’ (Shock) ಮತ್ತು ‘ಮಿರಪಕೆ’ (Mirapakay) ಚಿತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದರು. ಈ ಸಿನಿಮಾವನ್ನು People Media Factory ಬ್ಯಾನರ್‌ ಅಡಿಯಲ್ಲಿ ಟಿಜಿ ವಿಶ್ವ ಪ್ರಸಾದ್ ಮತ್ತು ವಿವೇಕ್ ಕೂಚಿಭೋಟ್ಲಾ ನಿರ್ಮಿಸುತ್ತಿದ್ದಾರೆ. ಈ ಕುರಿತು People Media Factory ತನ್ನ X ನಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ‘ಮ್ಯಾಜಿಕಲ್ ಮಾಸ್ ಕಾಂಬೊ ಮತ್ತೆ ಒಂದಾಗುತ್ತಿದೆ. ಮಾಸ್ ಮಹಾರಾಜ ಮತ್ತು ಹರೀಶ್ ಶಂಕರ್ ಮನರಂಜನೆಗಾಗಿ ಮತ್ತೆ ಒಂದಾಗುತ್ತಿದ್ದಾರೆ’ ಎಂದು ಕ್ಯಾಪ್ಶನ್‌ ನೀಡಿದೆ. ರವಿತೇಜ ಈ ಹಿಂದೆ ‘ಟೈಗರ್ ನಾಗೇಶ್ವರ ರಾವ್’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು, ಇದರಲ್ಲಿ ಅನುಪಮ್ ಖೇರ್ ಮತ್ತು ನೂಪುರ್ ಸನೋನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. ಅವರ ಮುಂದೆ ಕಾರ್ತಿಕ್ ಗಟ್ಟಮನೇನಿ ಅವರ ಕಥೆ, ನಿರ್ದೇಶನ ಮತ್ತು ಸಂಕಲನವಿರುವ ‘ಈಗಲ್’ ಚಿತ್ರದಲ್ಲಿಯೂ ಕಾಣಿಸಿಕೊಳ್ಳಲಿದ್ದಾರೆ. ‘ಈಗಲ್’ 2024ರ ಜನವರಿ 13ರಂದು ತೆರೆಕಾಣಲಿದೆ.
